Athugið þessi frétt er meira en 12 mánaða gömul.

Innkalla fæðubótarefni vegna of hás magns B6

04.12.2020 - 17:00
Mynd með færslu
 Mynd: Google
Fæðubótarefni The True Original - Animal pak dietary supplement sem flutt er inn af fyrirtækinu Prótín.is hefur verið innkallað af Matvælastofnun. Magn B6 vítamíns í efninu er yfir ráðlögðum dagskammti.

Matvælastofnun fékk ábendingu um málið frá Heilbrigðiseftirliti Reykjavíkur sem hefur eftirlit með fyrirtækinu. Innköllunin á við allar best fyrir dagsetningar.

Viðskiptavinir sem keypt hafa vöruna eru beðnir um að neyta hennar ekki og farga. Nánari upplýsingar veitir Prótín.is, Síðumúla 15 (baka til), 108 Reykjavík.

  • Vörumerki: Universal Nutrition
  • Vöruheiti: The True Original - Animal Pak - dietary supplement
  • Geymsluþol: Engin geymsluþolsmerking
  • Dagsetning: Allar best fyrir dagsetningar
  • Lotunúmer: Öll lotunúmer
  • Strikamerki: 039442030115 (vara í áldós) / 039442032218 (vara í plastdollu)
  • Nettómagn: 44 pakkar (áldós/vara í töfluformi, hver pakki inniheldur 11 töflur) / 387 g (plastdolla /vara á duftformi)
  • Geymsluskilyrði: Kælivara
  • Framleiðandi: Universal Nutrition, New Brunswich, New Jersey
  • Framleiðsluland: Bandaríkin
  • Dreifing: Prótín.is vefverslun
The True Original - Animal Pak - dietary supplement
thorvardurp's picture
Þorvarður Pálsson
Fréttastofa RÚV