Mynd: RÚV - Ágúst Ólafsson
Athugið þessi frétt er meira en 10 mánaða gömul.
Eldur í fyrirtæki á Akureyri
Eldur kom upp í þvottahúsinu Grandþvotti á Akureyri í morgun. Slökkvilið Akureyrar var kallað út rétt upp úr átta og var þá talsverður eldur á afmörkuðum stað í húsinu.
Tveir starfsemenn voru við vinnu þegar eldurinn kom upp en þeir voru komnir út þegar slökkviliðið kom á staðinn. Þeir eru ómeiddir. Greiðlega gekk að slökkva eldinn, en talsverðar skemmdir eru í tækniherbergi þar sem gufuketill þvottahússins er.
Nýlega var búið að eldverja veggi í þessu rými og varnaði það frekari útbreiðslu eldsins að sögn Ólafs Stefánssonar slökkviliðsstjóra. Talsverður reykur barst um húsið og er nú unnið að því að reykræsta.
Mynd: RÚV - Ágúst Ólafsson
Grandþvottur er fatahreinsun og þvottahús
Mynd: RÚV - Ágúst Ólafsson
Lögregla og slökkvilið við Freyjunes 4 í morgun
