Athugið þessi frétt er meira en 6 mánaða gömul.

Árið 2020 er eitt af þeim hlýjustu

02.12.2020 - 14:21
epa08042711 Firefighters work to contain a fire as it encroaches on properties near Termeil, New South Wales, Australia, 03 December 2019 (issued 04 December 2019). According to media reports, more than 100 fires were burning across the state of New South Wales on 03 December, with more than 50 of them still uncontained.  EPA-EFE/DEAN LEWINS  AUSTRALIA AND NEW ZEALAND OUT
 Mynd: EPA-EFE - AAP
Allt útlit er fyrir að árið 2020 verði eitt af þremur hlýjustu í heiminum frá því að mælingar hófust, jafnvel hlýrra en árið 2016 sem var hið heitasta. Þetta kemur fram í ársskýrslu Alþjóðaveðurfræðistofnunarinnar sem kynnt var í dag.

Í skýrslunni segir að ýmiss konar óáran af völdum hlýnunar hafi sett svip sinn á árið, svo sem gróðureldar, lífshættulegir fellibyljir, þurrkar, flóð og hitabylgjur. Þá sé ísinn á Norðurpólnum í sögulegu lágmarki. Skýrslan byggist á gögnum frá janúar til október, sem sérfræðingar og alþjóðlegar stofnanir hafa aflað.

Útlit er fyrir að meðalhitinn í ár verði einu komma tveimur stigum yfir því sem hann var fyrir iðnbyltingu, segir í skýrslunni. 

asgeirt's picture
Ásgeir Tómasson
Fréttastofa RÚV