Athugið þessi frétt er meira en 1 ára gömul.

Glerbrot fannst í kjúklingasúpu

27.11.2020 - 17:28
Krónusúpa
 Mynd: kronan.is - Skjáskot
Matvælaeftirlit Heilbrigðiseftirlits Reykjavíkur hefur innkallað mexíkóska kjúklingasúpu frá Krónunni í eins lítra umbúðum. Aðskotahlutur, glerbrot, fannst í krukkunni sem súpan var seld í. Súpan er framleidd af IMF ehf. fyrir Krónuna.

 

Þær súpur sem innkallaðar eru hafa strikanúmerið 5694311800470, vörunúmerið 14335. Þær eru framleiddar 06.11.2020 og er „best fyrir“-dagsetningin 06.03.2021.

Viðskiptavinum sem hafa keypt vöruna er bent á að skila þeim í viðkomandi verslun, að því er kemur fram í tilkynningunni.

 

kristins's picture
Kristín Sigurðardóttir
Fréttastofa RÚV