Leikara leitað fyrir færeysku þáttaröðina TROM

Mynd með færslu
 Mynd: Unsplash
Framleiðendur færeysku glæpaþáttaraðarinnar TROM hyggjast taka til við að velja leikara í öll helstu hlutverk, stór og smá, snemma árs 2021. Vonast er til að tökur hefjist næsta vor eða sumar og verði lokið í júní 2021.

Leitað er að fólki á öllum aldri til að leika í TROM og samkvæmt auglýsingu frá framleiðendunum er ekki gerð krafa um að hafa leikaramenntun. Það eru færeyska kvikmyndafyrirtækið Kykmyndir og hið danska REinvent Studios sem framleiða þáttaröðina.

TROM byggir á skáldsögu Jógvans Isaksen og fjallar um blaðamanninn Hannis Martinsson og morð á dýraverndunarsinna meðan á grindhvaladrápi stendur í Færeyjum. Skyndlega liggja allir undir grun að vera morðingjar.

Um hríð leit illa út með að unnt yrði að taka þáttaröðina upp í Færeyjum vegna skorts á fjármagni en talsmenn Kykmynda standa keikir og segja ekkert að vanbúnaði.