Kynntust á leikvellinum en leika nú á allt öðrum velli

Mynd með færslu
 Mynd: RÚV núll - Undirtónar

Kynntust á leikvellinum en leika nú á allt öðrum velli

19.11.2020 - 11:10
Hljómsveitin GRÓA spilar pönkskotið rokk sem fyrst tók að heyrast í bílskúr í Vesturbænum. Hljómsveitin er skipuð systrum og æskuvinkonu en Músíktilraunir tóku spilamennskuna á næsta stig. GRÓA eru gestir Undirtóna þessa vikuna.

Hættu bara að lesa og kíktu á þáttinn hér. 

Hljómsveitin GRÓA er skipuð þremur átján og nítján ára stelpum úr Vesturbænum; systrunum Hrafnhildi og Karólínu Einarsdætrum ásamt æskuvinkonu þeirra Fríðu Björg Pétursdóttur. Hljómsveitin er hluti af listasamlaginu post-dreifingu og hafa vakið rækilega athygli í neðanjarðartónlistarsenunni undanfarin þrjú ár. 

Í þessum þætti Undirtóna fá áhorfendur að kynnast hljómsveitinni betur og heyra af tilurð sveitarinnar ásamt því að skyggnast inn á minnsta tónleikastað landsins, R6013, sem staðsettur er í kjallara við Ingólfsstræti - en staðurinn hefur verið heimili ákveðinnar jaðartónlistarsenu um nokkra hríð. 

Á morgun, föstudag, verða tónleikar GRÓU í heild sinni aðgengilegir í spilara RÚV. 

Horfðu á fjórða þátt Undirtóna í heild sinni í spilara RÚV með hlekknum hér að ofan. Undirtónar eru nýir þættir úr smiðju RÚV núll þar sem Lovísa Rut Kristjánsdóttir kynnist tónlistarmönnum og -konum sem skara fram úr í nýrri íslenskri tónlist.

Tengdar fréttir

Tónlist

Líkþorn ljótasta orð íslenskrar tungu

Tónlist

Minni tónleikastaðir lífsnauðsynlegir rokkurum

Menningarefni

Seldu dauðan fisk á fyrstu tónleikunum