Athugið þessi frétt er meira en mánaðargömul.

Dolly Parton leggur sitt af mörkum í baráttu við COVID

Mynd með færslu
 Mynd: Commons.wikimedia.org
Bandaríska söngkonan Dolly Parton færði lyfjarannsóknarstofnun við Vanderbilt háskólann í Nashville eina milljón Bandaríkjadala að gjöf til rannsókna á bóluefni gegn COVID-19.

Hluti framlags söngkonunnar, sem jafngildir ríflega 136 milljónum íslenskra króna, var notaður til að fjármagna frumprófanir á Moderna bóluefninu sem hefur reynst hafa 95% virkni.

BBC greinir frá því að sömuleiðis hafi framlag Dollýjar Parton verið notað við rannsóknir tengdum blóðvökva teknum úr fólki sem hefur læknast af COVID-19. Niðurstaða þeirra rannsókna þótti lofa nægilega góðu til að Heilbrigðisstofnun Bandaríkjanna (NIH) lagði fram 34 milljónir dala til frekari rannsókna.