Athugið þessi frétt er meira en 4 mánaða gömul.

Macron vill skjótar aðgerðir gegn hryðjuverkamönnum

10.11.2020 - 17:52
epa08811825 French President Emmanuel Macron (L) looks at German Chancellor Angela Merkel (R) on a screen during a conference with Austrian Chancellor Sebastian Kurz and a videoconference with Dutch Prime Minister Mark Rutte, German Chancellor Angela Merkel, European Council President Charles Michel and European Commission President Ursula von der Leyen at the Elysee Palace, in Paris, France, 10 November 2020. The leaders of France, Germany, Austria and the EU met to discuss Europe's response to terrorism threats after a string of attacks. Macron and Kurz are meeting in person after both of their countries have lost lives to Islamic extremist attackers in recent weeks.  EPA-EFE/MICHEL EULER / POOL MAXPPP OUT
 Mynd: EPA-EFE - AP
Emmanuel Macron, forseti Frakklands, hvetur leiðtoga annarra Evrópuþjóða til að grípa til skjótra og samræmdra aðgerða svo koma megi í veg fyrir hryðjuverkaárásir sem hafa þjakað íbúa álfunnar um árabil.

Macron stýrði í dag fjarfundi með meðal annars Angelu Merkel, kanslara Þýskalands, og Ursulu von der Leyen, forseta framkvæmdastjórnar Evrópusambandsins, þar sem umræðuefnið var viðbrögð við árásum öfgasinnaðra íslamista að undanförnu. Hann fordæmdi hvernig hælisleitendur misnotuðu móttökukerfi ríkja í álfunni í þeim tilgangi að vinna þar hryðjuverk og önnur illvirki. Í öllum löndunum sagði hann að yfirvöld tækjust á við að smyglarar, félagar í glæpagengjum og fólk frá löndum þar sem enginn ófriður ríkti leituðu hælis. Gegn þessu þyrftu Evrópuríki að grípa til skjótra og samræmdra aðgerða. Það mætti gera með því að halda úti sameiginlegum gagnagrunni, skiptast á upplýsingum eða herða viðbrögð gagnvart glæpamönnum. 

Fyrir fjarfundinn ræddust Emmanuel Macron og Sebastian Kurz, kanslari Austurríkis, við í Elysee-höll í París. Austurríkismenn fengu einmitt að kenna á hryðjuverkamanni fyrir viku, en hann skaut fjóra til bana í Vínarborg og særði á annan tug til viðbótar.
 

 

asgeirt's picture
Ásgeir Tómasson
Fréttastofa RÚV