Mynd: EP-EFE - EPA
Athugið þessi frétt er meira en 4 mánaða gömul.
Innanríkisráðherra Eistlands kallaði Biden úrþvætti
Mart Helme, innanríkisráðherra Eistlands, sagði af sér í dag eftir að hafa fengið á sig harða gagnrýni fyrir að halda því fram að Demókratar hafi haft rangt við í nýafstöðnum forsetakosningum í Bandaríkjunum og að Joe Biden og Hunter, sonur hans, séu spilltir.
Á fundi með fréttamönnum kvaðst hann hafa fengið nóg af ærumeiðingum og lygum eistneskra fjölmiðla. Hann hafi ekkert gert annað en að segja það sem frjálsir bandarískir fjölmiðlar hafi þegar greint frá.
Mart Helme og Martin, sonur hans sem gegnir embætti fjármálaráðherra, sögðu í útvarpsviðtali í gær að djúpríkið stæði á bak við kjör Joes Bidens. Það væri að koma til valda spilltu úrþvætti sem þægi mútur. Feðgarnir eru framámenn í hægri-popúlistaflokknum Ekre.
