Alger metfjöldi umsókna barst Hljóðritasjóði fyrir þessa seinni úthlutun eða alls 190, um 50% meira en nokkru sinni fyrr. Alls hafa 307 umsóknir borist á árinu en alls var úthlutað 37 milljónum til 130 verkefna.

Í tilkynningu frá sjóðnum segir að nú hafi verið unnt að styrkja rúmlega þriðjung umsækjenda og um 14% af umsóttum kostnaði. Alls fengu 38 rokk-, popp- og hip-hop-verkefni í afar víðum skilningi styrki, sextán verkefni tengd samtímatímatónlist og raftónlist auk níu fjölbreyttra djassverkefna.

Ekki eru veittir styrkir til verkefna sem þegar hafa fengið úthlutað, né heldur til þeirra sem fengu úthlutað úr vorátaki Tónlistarsjóðs.