Mynd: EPA-EFE - EPA
Athugið þessi frétt er meira en 4 mánaða gömul.
Frakkar herða landamæravörslu
Emmanuel Macron, forseti Frakklands, ætlar að herða landamæragæslu til muna vegna vaxandi hryðjuverkaógnar. Hann greindi frá því í heimsókn að landamærum Spánar og Frakklands í dag að landamæravörðum yrði fjölgað úr 2.400 í 4.800.
Macron og Frakkar hafa mætt mikilli andstöðu í múslimaríkjum að undanförnu eftir að forsetinn sagði öfgasinnuðum múslimum og samtökum þeirra í Frakklandi stríð á hendur. Það gerði hann eftir að öfgamaður skar kennara á háls fyrir að hafa sýnt nemendum teikningar af Múhameð spámanni í kennslustund þar sem nemendurnir fengu fræðslu um tjáningarfrelsi. Nokkru síðar réðist ungur maður á fólk í kirkju í borginni Nice og myrti þrjá með hnífi.
