Athugið þessi frétt er meira en 2 ára gömul.

Trump og Biden nýta síðasta sólarhringinn

epaselect epa08792193 A supporter of US President Donald J. Trump holds fake bills with bearing Trump's face while waiting to attend a 'Make America Great Again Rally' at the Opa-Locka International Airport in Opa-Locka, Florida, USA, 01 November 2020.  EPA-EFE/CRISTOBAL HERRERA-ULASHKEVICH
 Mynd: EPA-EFE - EPA
Það er rétt rúmur sólarhringur þar til fyrstu kjörstaðir verða opnaðir hér á austurströnd Bandaríkjanna og forsetaefnin tvö nota hverja stund til að reyna að afla sér síðustu atkvæða. Donald Trump fór víðast í gær, var í fimm ríkjum. „Ef Biden sigrar þá sigrar Kína. Ef við sigrum þá sigra Bandaríkin,“ sagði Trump.  Á meðan Joe Biden hélt sig í Pennsylvaníu í gær. „Skilaboð mín eru einföld. Pennsylvanía skiptir lykilmáli í þessum kosningum.“

Biden ætlar til nágrannaríkisins Ohio í dag – en Trump vann það ríki með átta prósentustiga mun fyrir fjórum árum. Það segir sitt um stöðuna í ár, að Kamala Harris var í Georgíu og Norður-Karólínu í gær, ríkjum sem hefðu þar til fyrir skömmu þótt utan seilingar Demókrata.  

Að spennan sé jafnmikil og raun ber vitni þótt kannanir gefi til kynna að munurinn á Trump og Biden sé verulegur, segir fyrst og fremst þá sögu að enginn hafi gleymt óvæntum úrslitum fyrir fjórum árum og treysti könnunum rétt mátulega. Og jafnvel þótt þær gefi rétta mynd af fyrirætlan kjósenda, þurfa þeir kjósendur þá líka að geta kosið og atkvæði þeirra að vera talin. En deilur um það eru þegar hafnar um það og lögfræðingar beggja flokkar takast á næstu daga í nokkrum lykilríkjum. Covid-faraldurinn gæti líka sett strik í reikning kjósenda á kjördag – og þar með hnikað úrslitunum frá því sem kannanir gefa til kynna.  

Ingólfur Bjarni Sigfússon skrifar frá Washington.