Starfsdagur í leik- og grunnskólum á mánudag

Mynd með færslu
 Mynd: RUV
Sveitarfélögin og almannavarnir á höfuðborgarsvæðinu hafa ákveðið að hafa skipulagsdag í leik- og grunnskólum, tónlistarskólum og frístundastarfi á mánudag vegna hertra sóttvarnareglna stjórnvalda.

Þannig á að gefa starfsfólki svigrúm að skipuleggja breytt skólahald. Þetta kemur fram í tilkynningu frá almannavarnanefnd höfuðborgarsvæðisins. Skóla- og frístundastarf hefst svo með breyttu sniði aftur á þriðjudag. Menntamálaráðherra kynnir reglugerð um breytingar á skólahaldi vegna hertra samkomutakmarkana á morgun.