Athugið þessi frétt er meira en 4 mánaða gömul.

Kólumbískur skæruliðaforingi felldur

26.10.2020 - 06:17
epa08774079 A handout photo made available by the Presidency of Colombia shows the President of Colombia Ivan Duque (C) while offering statements during a press conference in Quibdo, Colombia, 25 October 2020. The guerrilla Andres Vanegas Londono, alias 'Uriel', commander of a front of the National Liberation Army (ELN) that operates in the department of Choco (west), was killed in a military operation, reported the president of Colombia Ivan Duque.  EPA-EFE/Presidency of Colombia / HANDOUT  HANDOUT EDITORIAL USE ONLY/NO SALES
 Mynd: EPA-EFE - Presidency of Colombia
Uriel, einn helsti leiðtogi hinnar vinstrisinnuðu skæruliðasveitar Frelsishers Kólumbíu (ELN) féll í árás stjórnarhersins um helgina. Ivan Duque forseti Kólumbíu tilkynnti þetta í gær.

Forsetinn sagði dauða Uriels vera mikilvægan í baráttunni við skæruliðasveitina enda hefði hann verið birtingarmynd hennar. Hann var enda mjög sýnilegur á samfélagsmiðlum.

Uriel sem var 41 árs og hét raunverulega Andres Vanegas, var talinn hafa staðið fyrir mannránum og morðum auk þess sem hann safnaði að sér liðsveitum mjög ungs uppreisnargjarns fólks.

Uriel var jafnframt grunaður um að hafa skipulagt bílsprengjuárás á lögregluskóla í Bogotá í janúar 2019 sem varð tuttugu og einu að bana. Eftir það ákvað forsetinn að láta af friðarviðræðum við Frelsisherinn.

Frelsisherinn var stofnaður árið 1964 og Uriel var meðal yngri liðsmanna hans. Meðalaldur þeirra er talinn vera um sextíu ár. ELN telur um 2.300 liðsmenn og teygir net sitt víða um borgir Kólumbíu.

Frelsisherinn er síðasta skæruliðasveitin sem eftir lifir í landinu eftir að stjórnvöld friðmæltust við Byltingarher Kólumbíu (FARC) árið 2016. FARC starfar nú sem viðurkennd stjórnmálasamtök.