Athugið þessi frétt er meira en mánaðargömul.

Alvarlegt slys á leikskóla í Eyjafirði

23.10.2020 - 19:17
Mynd með færslu
 Mynd: Rauði krossinn
Alvarlegt slys varð á leikskólanum Álfasteini í Hörgársveit í dag. Lögregla og sjúkraflutningamenn voru kölluð að skólanum um tvöleytið.

Barn á leikskólanum var flutt slasað á Sjúkrahúsið á Akureyri og þaðan með sjúkraflugi til Reykjavíkur.

Varðstjóri hjá Lögreglunni á Norðurlandi eystra staðfesti að barn hafi slasast á leikskólanum en hafði ekki upplýsingar um líðan þess. Lögreglan veitir ekki nánari upplýsingar um hvað gerðist. Eftir því sem næst verður komist slasaðist barnið við leik á leikskólalóðinni.

agusto's picture
Ágúst Ólafsson
Fréttastofa RÚV