Mynd: Landhelgisgæslan - Aðsend mynd
Athugið þessi frétt er meira en 5 mánaða gömul.
Flugvirkjar hjá Gæslunni boða verkfall
Flugvirkjafélag Íslands hefur boðað vinnustöðvun félagsmanna sem starfa hjá Landhelgisgæslu Íslands og mun það hefjast á miðnætti 5. nóvember næstkomandi, hafi ekki samist fyrir þann tíma.
Frá þessu er greint á vefsíðu ríkissáttasemjara.
Þar segir að 18 flugvirkjar hafi verið á kjörskrá og 16 tóku þátt í atkvæðagreiðslunni. 14 sögðu já eða 87,5%, tveir tóku ekki afstöðu eða 12,5%.
Verkfallið nær til allra verka sem flugvirkjar Landhelgisgæslu Íslands sinna á vegum Landhelgisgæslunnar, að undanskildum lögboðnum löggæslu- og björgunarflugverkefnum sem unnin eru á grundvelli laga um Landhelgisgæslu Íslands.
Áður boðuðu verkfalli sem átti að hefjast 28. október var aflýst.
