Í þessari bók segir frá kvikmyndagerðarmanninum Ásbirni Axel sem fær það verkefni að gera heimildamynd um íslenska baráttukonu fyrir dýravernd, Sólveigu Boer. Hún hafði, eftir áratuga róttæka baráttu fyrir réttindum dýra, lent í fangelsi í Hollandi fyrir skemmdarverk og horfið sporlaust eftir að hún var látin laus. Ásbjörn heldur til Hollands í leit að Sólveigu, með viðkomu í Englandi, og reynir að finna slóð hennar meðal dýraverndarsinna, mótmælenda og aktífista. Bókin verður því öðrum þræði lýsing á heimi aðgerðarsinna og baráttufólks af ýmsu tagi, auk þess að draga fram flókin álitamál hvað varðar dýravernd og hugsjónabaráttu almennt.  

Gunnar Theodór hefur áður helst skrifað barna- og ungmennabækur. Hann er með doktorsgráðu í almennri bókmenntafræði og doktorsritgerð hans fjallar um um bókmenntir og dýrasiðfræði og talar einnig í viðtalinu um tenginguna milli fræðastarfa sinna og skáldsögunnar.

Gestir í sunnudagsþætti Erla Elíasdóttir Völudóttir þýðandi og Brynhildur Björnsdóttir bókmenntagagnrýnandi.