Athugið þessi frétt er meira en mánaðargömul.

Hádegisfréttir: Gagnrýnir hugmyndir um hjarðónæmi

08.10.2020 - 12:07
Sóttvarnalæknir gagnrýnir harðlega hugmyndir um að berjast við veiruna með hjarðónæmi og segir ótrúlegt að læknar erlendis haldi því á lofti. 94 greindust innanlands í gær og eru nú nær 850 í einangrun með COVID-19. 

Leifar af sýkla-, hjarta og geðlyfum eru meðal skaðlegra efna sem hafa fundist í mælanlegu magni í Kópavogslæk og Tjörninni í Reykjavík. Verkefnastjóri hjá Umhverfisstofnun telur líklegt að þetta komi úr gömlum holræsalögnum. 

Stjórnir Frakklands, Þýskalands og víðar í Evrópu boða hertar aðgerðir eftir mikla fjölgun smita. Héraðsdómstóll í Madrid hafnaði hins vegar hertum aðgerðum á grundvelli mannréttinda borgaranna. 

Bandaríska skáldkonan Lousie Glück hlýtur bókmenntaverðlaun Nóbels í ár. 

Samfylkingin vill skapa allt að sjö þúsund ný störf og minnka atvinnuleysi, fyrir um 80 milljarða króna, samkvæmt áætlun sinni sem kynnt var í morgun. 

Siglfirðingur segir bæjarbúa uggandi vegna innbrotahrinu þar undanfarna daga. Enginn hefur verið handtekinn fyrir innbrotin. 

Enn er töluvert vatnsrennsli úr aurskriðunni sem féll ofan við Hleiðargarðsfjall í Eyjafirði á þriðjudag. 

 

 

Frettir's picture
Fréttastofa RÚV