Jeff Bezos er ríkastur allra. Mynd: epa
Athugið þessi frétt er meira en mánaðargömul.
Þeir allra ríkustu enn ríkari í faraldrinum
Milljarðamæringar heimsins hafa flestir aukið auð sinn í kórónuveirufaraldinum. Í skýrslu svissneska bankans UBS segir að sjóðir milljarðamæringa hafi gildnað um ríflega fjórðung þegar faraldurinn stóð hvað hæst frá apríl fram í júlí. Á svipuðum tíma urðu milljónir atvinnulausar eða urðu að halda sér á framfæri á vegum hins opinbera vegna kórónuveirunnar.
Guardian hefur eftir skýrslunni að auðkýfingarnir hafi grætt einna mest á því að veðja á endurreisn hlutabréfamarkaða á heimsvísu þegar þeir hnigu hvað dýpst í mars og apríl. Auður milljarðamæringa náði nýjum hæðum, er 10,2 billjónir bandaríkjadala. Mestur var hann áður við árslok 2017, um 8,9 billjónir dala. Þá hefur fjölgað í hópi milljarðamæringa, þeir eru nú 2.189 en voru 2.158 þegar þeir voru áður flestir árið 2017.
