Athugið þessi frétt er meira en mánaðargömul.

Ekki hægt að fara í sund og ræktina í Reykjavík

07.10.2020 - 16:49
Mynd með færslu
 Mynd: RÚV - Ljósmynd
87 kórónuveirusmit voru greind í gær. Af þeim voru 46 í sóttkví. Nú eru 795 manns í einangrun með COVID-19. Rúmlega fjögur þúsund eru í sóttkví og 18 eru á sjúkrahúsi, þar af fjórir á gjörgæslu.

 

Hertar reglur um smitvarnir hafa tekið gildi á höfuðborgarsvæðinu. Aðeins 20 manns mega koma saman. Tveggja metra reglan er komin aftur. Skylda er að bera grímu þar sem ekki er hægt að tryggja tvo metra á milli fólks. Sundlaugar, líkamsræktarstöðvar, hárgreiðslustofur og snyrtistofur eru lokaðar. Reglurnar gilda til 19. október.

Þessar reglur gilda bara á höfuðborgarsvæðinu. Annars staðar er eins metra regla og 50 mega koma saman. Þar hefur stöðum ekki verið lokað.

Mikið álag á Landspítalanum

Starfsmaður á bráðamóttöku Landspítalans í Fossvogi fékk kórónuveiruna. Því fór einn sjúklingur og 27 starfsmenn á bráðamóttökunni í sóttkví. Annað starfsfólk þarf að vinna meira á meðan og álagið er mikið.

Jón Magnús Kristjánsson yfirlæknir segir að fólk eigi að hringja í símanúmerið 1700 eða hafa samband við heilsugæslu áður en það leitar til bráðamóttökunnar. Sérstaklega ef fólk er með einkenni COVID-19.

Um hundrað sjúklingar á Landspítalanum þurfa að komast annað til að hægt sé að draga úr álagi á spítalann. Þetta er fólk sem þarf ekki að vera á spítala en hefur ekki komist að annars staðar. Reynt verður að senda 35 þeirra á hjúkrunarheimili.

Aðeins sex Evrópulönd með hærra smithlutfall en Ísland

Aðeins í sex Evrópulöndum eru fleiri smit á hverja hundrað þúsund íbúa en á Íslandi. Það eru Spánn, Frakkland, Bretland, Holland, Belgía og Tékkland.

Upplýsingar um þetta má fá á vef Sóttvarnastofnunar Evrópu sem er uppfærður á hverjum degi.

Flest ný smit greinast í Tékklandi og svo á Spáni. Í öllum löndunum sex, eins og á Íslandi, hafa sóttvarnaraðgerðir verið hertar.