Athugið þessi frétt er meira en mánaðargömul.

Fimm með einkenni í togara á leið til Seyðisfjarðar

30.09.2020 - 18:39
Mynd með færslu
 Mynd: Rúnar Snær Reynisson - RÚV
Togari kemur til Seyðisfjarðar í kvöld með skipverja sem gætu verið smitaðir á COVID-19. Fimm úr áhöfninni hafa fundið til einkenna að því er fram kemur í tilkynningu frá aðgerðastjórn almannavarna á Austurlandi. Starfsfólk Heilbrigðisstofnunar Austurlands undirbýr móttöku skipverjanna, sýnatöku, sóttkví og einangrun þar til svör úr sýnum fást. Niðurstaða ætti að liggja fyrir síðdegis á morgun.