Athugið þessi frétt er meira en mánaðargömul.

Tvær gular viðvaranir taka gildi í kvöld

Gular viðvaranir 29. - 30.9.2020
 Mynd: Veðurstofa Íslands - Skjáskot
Gular viðvaranir taka gildi á Suðausturlandi klukkan 18 í kvöld og á Austfjörðum klukkan 21. Á báðum landsvæðum er talsverð rigning og búist við auknu afrennsli og vatnavöxtum í ám og lækjum sem eykur hættu á flóðum og skriðuföllum.

Á vef Veðurstofu Íslands segir að rigningin geti valdið tjóni og raskað samgöngum. Þá geti álag á fráveitukerfi aukist og fólk er hvatt  til að huga að niðurföllum til að forðast vatnstjón.

Gula viðvörunin á Suðausturlandi verður í gildi til klukkan 4 í nótt, en á Austfjörðum til klukkan 18 á morgun, 30. september.

 

 

 

annalth's picture
Anna Lilja Þórisdóttir