Athugið þessi frétt er meira en 7 mánaða gömul.

„Bæta ber hagsmunamat barna sem hingað koma“

Mynd með færslu
Katrín Jakobsdóttir, forsætisráðherra.  Mynd: RÚV
„Rætt hefur verið hvernig við getum bætt hagsmunamat barna sem hingað koma. Við munum gera á þeim ákveðnar úrbætur. Það hefur einnig verið rætt að bæta stöðu fylgdarlausra barna,“ segir Katrín Jakobsdóttir forsætisráðherra í samtali við fréttastofu.

Málefni útlendinga og hvað betur megi fara á grundvelli útlendingalaga frá 2016 hefur verið rætt í ríkisstjórn. 

Jafnframt þurfi að kanna ástæður þess að heildarmeðferðartími hefur lengst. Auk þess þurfi að horfa til samspils við útgáfuleyfi til handa útlendingum sem koma hingað frá löndum utan EES.

Katrín bendir á að ekki hafi verið lögð fram mörg frumvörp um breytingar á útlendingalögum undanfarið en núverandi lög hafi allir flokkar samþykkt mótatkvæðalaust.

Þau séu sá lagarammi sem unnið sé eftir núna en nauðsynlegt sé að taka til umræðu hvernig hafi tekist til og hvað megi fara betur í málefnum útlendinga.

Tekið skal fram að rætt var við Katrínu í gær, áður en kærunefnd útlendingamála féllst á endurupptökubeiðni egypsku fjölskyldunnar sem vísa átti úr landi 16. september.