45 smit í gær – nýgengi smita komið yfir 100

25.09.2020 - 11:18
Mynd með færslu
 Mynd: Landspítalinn
45 greindust með kórónuveiruna hér á landi í gær. 28 þeirra voru í sóttkví, eða 62 prósent smitaðra. Nýgengi smita er komið yfir 100, og hefur ekki verið hærra í þessarri bylgju faraldursins.

1.365 sýni voru tekin innanlands, 494 sýni voru tekin við landamæraskimun, 689 í sóttkvíar og handahófsskimunum og 176 í skimunum á vegum Íslenskrar erfðagreiningar. 

Tveir eru á sjúkrahúsi og 400 í einangrun. 2.362 eru í sóttkví á landinu öllu. Þrír bíða mótefnagreiningar eftir skimun við komuna til landsins. 

Nýgengi smita þ.e.virk smit á 100.000 íbúa síðastliðna 14 daga er 103,1 og nær áður óséðum hæðum í þessarri bylgju faraldusins. 

Smitin eru langflest á höfuðborgarsvæðinu, en nú er enginn landshluti laus við smit. 

bjarnir's picture
Bjarni Rúnarsson
Fréttastofa RÚV
Síðast:
Þessi þáttur er í hlaðvarpi