Mynd: Þórgunnur Oddsdóttir
Skima allt starfsfólk ÍE vegna smits
Íslensk erfðagreining skimar allt starfsfólk sitt í dag eftir að smit kom upp hjá starfsnema úr Háskólanum í Reykjavík sem vann að verkefni í húsnæði Íslenskrar erfðagreiningar. Allir sem unnu á sömu hæð og starfsneminn voru skimaðir í gær og sendir í sóttkví.
Kári Stefánsson greinir frá þessu við Mbl.is.
Hann reiknar með því að ef nemandinn hefði smitað einhvern starfsmann hefði sá hinn sami greinst jákvæður í skimun í gær. Hann hafði ekki verið í húsinu síðan á fimmtudag.
Kári segir fyrirtækið ætla að bjóða upp á skimun fyrir alla í Háskólanum í Reykjavík og Háskóla Íslands.
