Fellibylurinn Sally færist í aukana

16.09.2020 - 08:17
epa08670438 Water sprays on a  sign as water slowly covers a road from Hurricane Sally's approach in Alabama Port, Alabama, USA, 15 September 2020. Hurricane Sally is predicted to make landfall early 16 September as a Category 1 hurricane.  EPA-EFE/DAN ANDERSON
Hvasst var orðið við strönd Alabama í gær. Mynd: EPA-EFE - EPA
Fellibylurinn Sally hefur færst í aukana á Mexíkóflóa og telst nú annars stigs fellibylur. Miðja fellibylsins var í morgun rúmlega 100 kílómetra suð-suðaustur af borginni Mobile í Alabama.

Víða er hvasst í strandhéruðum í suðurríkjum Bandaríkjanna og er hætta talin á sjávarflóðum í Mississippi, Alabama og á Flórídaskaga. Þar er nú víða rafmagslaust, en í nótt voru um 75.000 heimili í Alabama og á Flórídaskaga án rafmagns. Búist er við að fellibylurinn fari inn yfir land síðar í dag.

 

 

Kristján Róbert Kristjánsson
Fréttastofa RÚV
Síðast:
Þessi þáttur er í hlaðvarpi