Björgunarsveit frá Chile við leit í rústunum í Beirút. Mynd: EPA-EFE - EPA
Athugið þessi frétt er meira en 6 mánaða gömul.
Greindu merki um líf mánuði eftir sprenginguna
Björgunarsveit frá Chile segist hafa greint merki um líf í rústum húss sem hrundi þegar sprenging lagði i rúst stórt svæði í Beirút, höfuðborg Líbanons, fyrir mánuði. Sérstakur nemi hafi greint hjartslátt í rústunum í fyrradag. Farið var á leita þar á ný í gær.
Fleiri en tvö hundruð fórust þegar hátt í þrjú þúsund tonn af ammoníum nítrati sprungu á hafnarsvæðinu í Beirút 4. ágúst. Um 300.000 misstu heimili sín í sprengingunni. Í gær greindi líbanski herinn frá því að fundist hefðu ríflega fjögur tonn af ammóníum nítrati í gámum skammt frá höfninni í Beirút.
