Athugið þessi frétt er meira en 8 mánaða gömul.

COVID-smit Roberts Pattinson frestar tökum á The Batman

epa07050554 British actor Robert Pattinson poses during the photocall of the film 'High Five' presented in the official section of the San Sebastian International Film Festival (SSIFF), in San Sebastian, Basque Country, Spain, 27 September 2018. The 66th edition of the SSIFF runs from 21 to 29 September.  EPA-EFE/JAVIER ETXEZARRETA
 Mynd: EPA-EFE - EFE

COVID-smit Roberts Pattinson frestar tökum á The Batman

04.09.2020 - 12:47

Höfundar

Breski leikarinn Robert Pattinson hefur greinst með COVID-19 að sögn bandarískra fjölmiðla og sökum þess hefur þurft að fresta tökum á nýjustu kvikmyndinni um Leðurblökumanninn, sem Pattinson leikur.

Þegar þessi staða kom upp voru tökur á kvikmyndinni The Batman nýhafnar aftur í Hertfordskíri í nágrenni Lundúna eftir að hafa verið frestað frá því í mars vegna COVID-19 heimsfaraldursins – sem nú hefur náð í skottið á Pattinson. Hann neyðist til að fara í einangrun í rúmar tvær vikur og frestast tökur því sem því nemur. Breska ríkisstjórnin gaf í maí leyfi fyrir áframhaldi á kvikmyndaframleiðslu í landinu með ströngum skilyrðum um samskiptafjarlægð, öryggisþjálfun og tíðum prófunum.

Það er Matt Reeves sem leikstýrir The Batman en auk Pattisons fara Zoë Kravitz, Paul Dano og Colin Farrell með stórar rullur. Myndin hefur verið á teikniborðinu um árabil. Fyrst átti Ben Affleck að túlka ólundarlegu ofurhetjuna en hann féll úr skaftinu á síðasta ári. Þetta er þriðja stóra kvikmyndaútgáfa Leðurblökumannsins en þríleikur Christophers Nolans með Christian Bale í aðalhlutverki sem kom út frá 2005 til 2012 naut gríðarlegra vinsælda. Upphaflega átti The Batman að rata í bíóhús í júní á næsta ári en að teknu tilliti til Covid-tafa er nú stefnt á frumsýningu í október 2021.

Tengdar fréttir

Fyrsta stiklan úr nýrri Batman-mynd

Kvikmyndir

Keaton í viðræðum um að leika Leðurblökumanninn á ný

Kvikmyndir

Joel Schumacher látinn

Bókmenntir

Nexus gefur Leðurblökumanninn út á íslensku