Sendinefnd Samtaka Vestur-Afríku væntanleg til Malí

Talsmaður herforingjastjórnarinnar segist fagna sendinefndinni, áríðandi sé að eiga samtal við bræður sína.

Ibrahim Boubacar Keita forseta Malí var steypt af stóli í valdaráni hersins á þriðjudag. Assimi Goita ofursti er leiðtogi „Landsnefndar um frelsun þjóðarinnar“ sem hefur forsetann, Boubou Cisse forsætisráðherra og fleiri háttsetta embættismenn í haldi.

Goodluck Jonathan fyrrverandi forseti Nígeríu leiðir sendinefndina. Samtök Vestur-Afríkuríkja krefjast þess að Keita taki aftur við forsetaembættinu. Auk þess árétta þau ábyrgð herforingjastjórnarinnar á velferð þeirra sem eru haldi hennar.

Herforingjarnir segjast þegar hafa látið tvo af sautján föngum sínum lausa.