Tveir með smit á Vestfjörðum

Mynd með færslu
 Mynd: Ísafjörður
Tveir erlendir ríkisborgarar staddir á Vestfjörðum greindust með COVID-19 smit. Báðir fengu jákvæða niðurstöðu úr landamæraskimun. Annar var einnig með einkenni sýkingar og er hann með ísfirskt lögheimili. Hinn er ferðamaður og dvelur í farsóttarhúsi meðan hann bíður eftir niðurstöðu mótefnamælingar.

Heilbrigðisstofnun Vestfjarða greinir frá þessu.

Í fyrradag kom erlendur ríkisborgari með ísfirskt lögheimili heim frá Evrópu, og þegar hann var kominn heim hafði hann fengið bæði einkenni og svar um jákvæða niðurstöðu úr sýnatöku við landamæri. Hinn einstaklingurinn er ferðamaður á húsbíl og greindist smitaður við komuna til landsins. 

„Þessi smit undirstrika mikilvægi þess að bæði Íslendingar og erlendir ríkisborgarar sýni varkárni, líka við hér vestur á fjörðum sem höfum kannski vonað að við gætum sloppið vel þetta skiptið,“ segir Súsanna Björg Ástvaldsdóttir umdæmislæknir sóttvarna á Vestfjörðum.

Valgerður Árnadóttir
Fréttastofa RÚV
Síðast:
Þessi þáttur er í hlaðvarpi