Mynd: Magnús Atli Magnússon - RÚV
Spánverji á sjötugsaldri gripinn með kókaín
Spænskur karlmaður á sjötugsaldri var gripinn af tollvörðum á Keflavíkurflugvelli um helgina með tæpt hálft kíló af kókaíni innvortis í 48 pakkningum. Maðurinn var að koma með flugi frá Frakklandi og er nú gæsluvarðhaldi. Rannsókn málsins er í fullum gangi.
Þetta er eitt örfárra fíkniefnamála sem hafa komið upp á Keflavíkurflugvelli í kórónuveirufaraldrinum.
Í apríl var karlmaður á þrítugsaldri stöðvaður með 700 grömm af kókaíni. Þá fóru óvenju fáir farþegar um flugvöllinn enda lá nánast allt millilandaflug niðri.
