Athugið þessi frétt er meira en 2 ára gömul.

Sigurjón Sighvatsson skipaður formaður kvikmyndaráðs

Mynd með færslu
 Mynd:

Sigurjón Sighvatsson skipaður formaður kvikmyndaráðs

28.07.2020 - 15:54

Höfundar

Lilja Alfreðsdóttir, mennta- og menningarmálaráðherra, hefur skipað nýtt átta manna kvikmyndaráð. Sigurjón Sighvatsson, kvikmyndaframleiðandi og athafnamaður, er formaður ráðsins.

Varaformaður ráðsins er Margrét Örnólfsdóttir. Auk Sigurjóns og Margrétar sitja Anna Þóra Steinþórsdóttir, Ragnar Bragason, Lilja Ósk Snorradóttir, Lilja Ósk Diðriksdóttir, Birna Hafstein og Bergsteinn Björgúlfsson í ráðinu. 

Samkvæmt kvikmyndalögum skal kvikmyndaráð vera stjórnvöldum og Kvikmyndamiðstöð Íslands til ráðgjafar um málefni kvikmynda. Ráðið gerir jafnframt tillögur til ráðherra um stefnu og markmið opinberra aðgerða á sviði kvikmyndalistar.

Ráðherra skipar kvikmyndaráð til þriggja ára í senn. Formaðurinn er skipaður án tilnefningar en hinir sjö eru skipaðir samkvæmt tilnefningum. Sigurjón tekur við af Áslaugu Maríu Friðriksdóttur, sem var formaður ráðsins frá 2016 til 2019. 

Tengdar fréttir

Menningarefni

Listdansráð skipað í fyrsta sinn

Innlent

Sigurjón Sighvatsson gerir þætti um Drakúla