Mynd: RÚV
Athugið þessi frétt er meira en mánaðargömul.
Laxveiði reynd í Andakílsá að nýju
Í vikunni hófust tilraunaveiðar í Andakílsá í Borgarfirði.
Skessuhorn greinir frá þessu á vef sínum.
Fyrir þremur árum var ríflega tuttugu þúsund rúmmetrum af aur veitt í ána úr miðlunarlóni Andakílsvirkjunar, fyrir mistök.
Nú hefur verið ákveðið að heimila veiði í sextíu daga í sumar á eina stöng. Veiðimenn vanir ánni mega einir renna fyrir fisk með þeim kvöðum að aðeins megi drepa tvo fiska á dag og úr þeim skuli taka sýni til rannsókna.
Veiðin fyrstu dagana bendir til þess að tekist hafi að endurheimta lífríki árinnar.
Næstu skref varðandi veiðar í Andakílsá verða teknar á grundvelli þeirrar reynslu sem fæst í sumar.
