Vill framlengja lokun Gróttu

17.07.2020 - 17:29
The Grotta Lighthouse was first built in 1897.  The current structure was built in 1947 and stands 24 meteres high.  The lens from the original 1897 lighthouse is still in use at the peak of this classic looking lighthouse.
 Mynd: Ron Kroetz - Flickr.com
Umhverfisstofnun leggur til að lokun Gróttu verði framlengd  og landvarsla  á svæðinu verði bætt á meðan lokunin stendur yfir til að tryggja að hún verði virt. 

Grótta sem er skilgreind sem friðland er jafnan lokuð fyrir umferð á tímabilinu frá 1. maí til 15. júlí til að vernda fuglavarp á svæðinu.

Stofnunin hefur nú gert úttekt á Gróttu sem er vinsælt útivistarsvæði. Er niðurstaða hennar sú að mikilvægt sé að framlengja lokunina þar sem hætta verði að teljast „á verulegri röskun á fuglalífi ef svæðið verður opnað á þeim tíma sem tilgreindur er í auglýsingunni, enda um viðkvæmt tímabil fuglalífs að ræða.“

Áformað er að lokunin á svæðinu taki gildi frá mánudeginum 20. júlí, en samkvæmt lögum um skyndilokun má hún mest vara í hálfan mánuð og verða athugasemdir að berast fyrir klukkan 11 á mánudagsmorgun.

Anna Sigríður Einarsdóttir
Síðast:
Þessi þáttur er í hlaðvarpi