Mynd: Wiki Commons
Athugið þessi frétt er meira en 2 ára gömul.
Maxwell í fangelsi þar til dómur fellur
Ghislaine Maxwell, fyrrum unnusta bandaríska barnaníðingsins Jeffrey Epstein, fær ekki að ganga laus gegn greiðslu tryggingargjalds þar til dómstólar taka mál hennar til meðferðar.
Þetta úrskurðaði dómari í New York& í dag, en verjendur Maxwell höfðu farið þess á leit að hún yrði látin laus gegn greiðslu tryggingargjalds vegna hættulegs ástand í fangelsum landsins vegna kórónuveirunnar.
Saksóknari hafði hins vegar lagst gegn því að það yrði gert. Verulegu hætta væri á að Maxwell reyndi að flýja yrði hún látin laus, en hún er sökuð um að hafa tekið þátt í brotum Epstein.
Maxwell var viðstödd fyrirtökuna í gegnum myndbandssímtal frá fangelsinu í Brooklyn þar sem hún er vistuð og lýsti hun sig saklausa af brotunum sem hún er ákærð um.
Maxwell var handtekin í byrjun mánaðarins í New Hampshire í Bandaríkjunum og gefið að sök að hafa áunnið sér traust ungra stúlkna í viðkvæmri stöðu, með það fyrir augum að kynna þær fyrir Epstein.
Hún er einnig sökuð um að hafa brotið kynferðislega á stúlkum og á yfir höfði sér allt að 35 ára fangelsisdóm verði hún fundin sek.
