Athugið þessi frétt er meira en 1 ára gömul.

Nýjar reglur um heimkomu hafa tekið gildi

13.07.2020 - 07:42

Mynd: RÚV

Reglugerð heilbrigðisráðherra um að íslenskir ríkisborgarar og fólk sem býr hér á landi þurfi að fara í heimkomusmitgát við komuna frá útlöndum tók gildi í dag. Fólk sem velur að fara í sýnatöku við komuna til Íslands þarf að takmarka mjög samneyti sitt við annað fólk næstu fimm daga á eftir, eða þar til niðurstöður úr síðari sýnatöku liggja fyrir. Með þessu á að draga úr hættunni á að röng niðurstaða úr prófi á landamærunum geti leitt til stærri hópsmita hér á landi.

Tvö hópsmit hér á landi tengjast komum Íslendinga frá útlöndum eftir að tekin var upp skimun á landamærastöðvum. Viðkomandi greindust ekki með COVID-19 fyrr en nokkrum dögum eftir komuna til Íslands. Fleiri höfðu þá smitast og fjöldi fólks þurfti að fara í sóttkví.

Dagurinn í dag markar líka tímamót með öðrum hætti. Kári Stefánsson, forstjóri Íslenskrar erfðagreiningar, tilkynnti fyrir viku að síðustu sýnin sem fyrirtækið afgreiði úr landamæraskimun séu þau sem berast fyrirtækinu í dag. Því þarf sýkla- og veirufræðideild Landspítala Íslands að sjá um allar rannsóknir á sýnum frá og með morgundeginum.

Stefnt er að óbreyttu fyrirkomulagi á skimun á landamærunum út júlí.

Um einstaklinga sem ber að viðhafa heimkomusmitgát gildir að þeir skuli:

ekki fara á mannamót eða veislur þar sem fleiri en tíu manns eru saman komnir,
ekki vera í samneyti við fólk sem er í aukinni áhættu fyrir alvarleg veikindi/viðkvæma hópa,
gæta að tveggja metra reglunni í samskiptum við aðra,
ekki heilsa með handabandi og forðast faðmlög,
huga vel að einstaklingsbundnum sóttvörnum.

Einstaklingum sem ber að viðhafa heimkomusmitgát er hins vegar heimilt að: