Alþjóðleg kvikmyndahátíð á Akranesi í annað sinn

Mynd með færslu
 Mynd: IceDocs - Kynningarefni

Alþjóðleg kvikmyndahátíð á Akranesi í annað sinn

06.07.2020 - 16:57

Höfundar

Kvikmyndahátíðin Iceland Documentary Festival – Icedocs verður haldin í annað skipti á Akranesi dagana 15.-19. júlí. Þar verða sýndar heimildamyndir frá öllum heimshornum samhliða viðburðadagskrá með spurningakeppni, jóga og tónleikum í Akranesvita.

Frítt er á flestar sýningarnar í Bíóhöllinni á Akranesi en hægt er að kaupa passa sem veitir frekari aðgang að lokuðum viðburðum og dagskrá á netinu. Meira en tuttugu myndir verða sýndar á hátíðinni og þar má meðal annars nefna Banksy: Most Wanted, portrett um huldulistamanninn fræga, Marshawn Lynch: A History um NFL-stjörnuna sem kaus að þegja til að mótmæla kynþáttamisrétti og Forman vs. Forman sem fjallar um lygilegan feril tékkneska kvikmyndaleikstjórans Milos Forman.

Meðal tónlistarmanna sem koma fram í vitanum eru Matthildur, Between Mountains og Sólveig Matthildur úr Kælunni miklu, auk Bretans Will Carruthers sem lék á bassa með hinum áhrifamiklu skógláps- og síkadelíusveitum Spacemen 3 og Spiritualized. Einnig verður sérstök dagskrá tileinkuð íslenskum brautryðjendum á fimmtudeginum en þá verður sýnd myndin Björgunarafrekið á Látrabjargi eftir Óskar Gíslason, en var ljósmyndari og frumkvöðull í íslenskri kvikmyndagerð. Kvikmyndasafn Íslands hefur unnið að endurgerð myndarinnar. Hún fjallar um björgunaraðgerðir bænda þegar togarinn Dhoon strandaði undir Geldingsskorardal í miklu óveðri þann 12. desember 1947, en myndin kom út 1949.

 

Tengdar fréttir

Myndlist

Í blómagarði Eggerts Péturssonar

Myndlist

„Steina, hvaða orgía var þetta?“

Kvikmyndir

Ljóðræn fegurð en langdregin og endaslepp

Evrópa

Pólverjar ósáttir við heimildamynd á Netflix