Athugið þessi frétt er meira en 11 mánaða gömul.

„TikTok-amman" aðstoðar Joe Biden

27.06.2020 - 07:30

Erlent · Bandaríkin · Donald Trump · Forsetakosningar í Bandaríkjunum 2020 · Joe Biden · Norður-Ameríka · Samfélagsmiðlar · TikTok

Democratic presidential candidate, former Vice President Joe Biden speaks during a roundtable on economic reopening with community members, Thursday, June 11, 2020, in Philadelphia. (AP Photo/Matt Slocum)

Joe Biden. Mynd: AP

Bandarísk kona, Mary Jo Laupp, hefur verið fengin til að aðstoða til við forsetaframboð Demókratans Joe Biden.

Mary Jo Laupp öðlaðist skyndilega frægð í síðustu vikur þegar hún deildi stuttu myndbandi á smáforritinu Tik Tok.

Þar hvatti hún andstæðinga Donald Trumps Bandaríkjaforseta til að taka frá sæti á fjöldafundi hans í Tulsa í Oklahóma,og láta svo ekki sjá sig.

Svo margt fólk tók áskorun Laupp að fjöldafundur forsetans varð aðeins svipur hjá sjón. Aðeins var setið í um þriðjungi nítjánþúsund sæta leikvangsins.

Nú er Laupp orðinn hluti af svokölluðu stafrænu bandalagi Bidens sem telur um 100 sjálfboðaliða. Hennar hlutverk verður að nýta kunnáttu sína við að koma skilaboðum í gegnum TikTok.