Mynd:
Athugið þessi frétt er meira en 8 mánaða gömul.
Stefnir Sorpu vegna uppsagnar
Björn H. Halldórsson, fyrrverandi framkvæmdastjóri Sorpu, hefur stefnt fyrirtækinu og krefur það um 167 milljónir í skaðabætur, miskabætur og vegna uppgjörs námsleyfis.
Morgunblaðið greinir frá þessu og segir Björn fullyrða að ólöglega hafi verið staðið að uppsögn sinni hjá fyrirtækinu.
Honum var vikið úr starfi í byrjun þessa árs í kjölfar úttektar sem innri endurskoðun Reykjavíkurborgar gerði á starfsemi Sorpu vegna framúrkeyrslu í kostnaði á byggingu gas- og jarðgerðarstöðvarinnar Gaju.
Í stefnu Björns, sem Morgunblaðið hefur undir höndum, sakar hann stjórn Sorpu um að skjóta sér undan ábyrgð á framkvæmdum og að uppsögnin hafi verið „saknæm og ólögmæt og valdið honum fyrirsjáanlegu tjóni.“
