Þetta segir Ásgeir Þór Ásgeirsson yfirlögregluþjónn hjá lögreglunni á höfuðborgarsvæðinu. Hann segir að verið sé að kanna tengsl þeirra sem handtekin voru við vettvanginn.
Spurður hvort talið sé að einhver hafi brunnið inni í húsinu segir Ásgeir að ekki sé hægt að svara því. Enn logi þar eldur og slökkvistarf sé enn í gangi. „Þetta gæti reynst mjög erfitt og gæti tekið fram á kvöld. Það er enn eldur í þakinu og það getur verið erfitt viðureignar.“
