Hindra aðgang lögreglu að sjálfstjórnarsvæði í Seattle

epa08499070 A closed streets near a police station, abandoned by police, is pictured in the Capitol Hill neighborhood, known as 'Occupied Protest' in Seattle, Washington, USA, 20 June 2020. For several weeks activists have occupied part of the Capitol Hill neighborhood to protest police brutality and support the Black Lives Matters movement. While the occupation has been relatively peaceful, a man was shot and killed just outside of the zone early in the morning of 20 June.  EPA-EFE/STEPHEN BRASHEAR
 Mynd: EPA-EFE - EPA
Lögreglan í Seattle í Bandaríkjunum rannsakar skotárás í borginni aðfaranótt laugardags þar sem ungur maður lést og annar særðist lífshættulega. Árásin var gerð á svæði fyrir framan ráðhús borgarinnar sem mótmælendur hafa tekið yfir og lýst sjálfstjórnarsvæði.

Lögregla fékk ekki að fara inn á svæðið til þess að vitja fórnarlambanna. Mótmælendur greindu lögreglu frá því með hrópum og köllum að búið væri að koma þeim á sjúkrahús af heilbrigðisstarfsfólki sjálfstjórnarsvæðisins. Þeim var ekið á fólksbílum á sjúkrahús í borginni, þar sem nítján ára maður lést af sárum sínum og annar liggur þungt haldinn á gjörgæslu. 

Enginn hefur verið handtekinn vegna málsins. Að sögn vitna flúði árásarmaðurinn, eða árásarmennirnir, vettvang. Lögreglan kallar eftir upplýsingum frá vegfarendum, og lögreglumenn eru hvattir til þess að deila öllu efni frá nóttinni af myndavélum sem þeir hafa á sér.

Sjálfstjórnarsvæðið var myndað eftir margra vikna mótmæli gegn óhóflegu ofbeldi lögreglu og rasisma, eftir að George Floyd var myrtur af lögreglu í Minneapolis í maí. Donald Trump, forseti Bandaríkjanna, hefur gagnrýnt bæði Jenny Durkan, borgarstjóra Seattle, og Jay Inslee, ríkisstjóra Washington, fyrir að leyfa svæðinu að haldast.

Róbert Jóhannsson
Fréttastofa RÚV
Síðast:
Þessi þáttur er í hlaðvarpi