Athugið þessi frétt er meira en mánaðargömul.

Grjót hrundi úr hlíðum á Tröllaskaga

20.06.2020 - 21:48
Mynd með færslu
 Mynd: Sigurgeir Haraldsson
Grjóthrun varð víða í kjölfar jarðskjálftahrinu sem varð um hálf átta í kvöld. Almannavarnir og lögregla biðla til fólks að sýna aðgát í grennd við brattar hlíðar. Eins geti óstöðugar brúnir við sjávarhamra losnað.

Sigurgeir Haraldsson er í sumarbústað í Ólafsfirði. Hann fann vel fyrir skjálftanum og tók meðfylgjandi myndir af grjóthruninu. 

„Það kom þetta svakalega högg á húsið og þessi fræga hljóðbylgja sem kemur líka,“ segir Sigurgeir í samtali við fréttastofu. Hann hafi síðan farið út úr bústaðnum og þá hafði mikið grjóthrun og ryk blasað við í Gjögurtánni. 

Líkur á fleiri sambærilegum hrinum

„Talsverðar líkur eru á að skriður falli í sambærilegum hrinum og þeirri sem gengur yfir núna og því mikilvægt að fólk fari varlega við brattar hlíðar,“ segir í nýrri færslu Veðurstofunnar.

Neðar í fréttinni má sjá myndskeið af grjóthruni í Siglunesi.

Mynd með færslu
 Mynd: Sigurgeir Haraldsson
Grjót hrundi rétt norðan við Múlagöngin.

Valgerður Árnadóttir
Fréttastofa RÚV
solveigk's picture
Sólveig Klara Ragnarsdóttir
Fréttastofa RÚV