Mynd: Landspítali/Þorkell Þorkelsso
Athugið þessi frétt er meira en 10 mánaða gömul.
Stjórnendur spítalans hafa þungar áhyggjur af verkfalli
Farsóttarnefnd og viðbragðsstjórn Landspítala hefur þungar áhyggjur af boðuðu verkfalli hjúkrunarfræðinga sem hefst að óbreyttu næsta mánudag.
Verkfallið geti haft ófyrirsjáanlegar afleiðingar fyrir starfsemi spítalans og á þann þátt starfseminnar sem lýtur að kórónuveirufaraldrinum, segir í tilkynningu frá Landspítala.
Tveggja og hálfs klukkustunda sáttafundi hjúkrunarfræðinga og ríkisins er lokið en boðað hefur verið til nýs fundar í fyrramálið.
Alma Möller landlæknir sagði á upplýsingafundi Almannavarna klukkan 14 í dag að mikil röskun verði á starfsemi heilbrigðiskerfisins ef til verkfalls hjúkrunarfræðinga kemur. Hjúkrunarfræðingar hafa borið hitann og þungann af framkvæmd sýnatöku á landamærunum. Kerfið verði að reiða sig á undanþágur ef til verkfalls kemur.
