Mynd: EPA-EFE - EPA
Athugið þessi frétt er meira en 9 mánaða gömul.
Skora á Kínverja að hætta við löggjöf í Hong Kong
Utanríkisráðherrar sjö af helstu iðnríkjum heims hvöttu kínversk stjórnvöld í dag til að endurskoða nýja öryggislöggjöf sína sem gilda á í Hong Kong. Löggjöfin þykir draga mjög úr frelsi íbúa, meðal annars með því að banna undirróðursstarfsemi og takmarka möguleika íbúa til mótmæla.
Utanríkisráðherrarnir lögðu mikla áherslu á að Kínverjar endurskoðuðu afstöðu sína. Þeir sögðu að fyrirhuguð löggjöf standist ekki alþjóðlegar skuldbindingar Kína. Þá ógni hún grundvallarmannréttindum og frelsi allra íbúa auk þess sem sjálfstæði dómstóla sé stefnt í hættu.
