Auður lofar neglu í lokaþætti Vikunnar

Mynd með færslu
 Mynd: Ágúst Bent - Hljómskálinn

Auður lofar neglu í lokaþætti Vikunnar

22.05.2020 - 13:03

Höfundar

„Ég lofa neglu,“ segir tónlistarmaðurinn Auður sem mun í kvöld flytja nýlega þröngskífu sína, ljós, í heild sinni í lokaþætti Vikunnar með Gísla Marteini.

Í atriðinu koma líka fram söngkonan Bríet og rapparinn Drengur sem eru gestkomandi á ljós sem er fjögur lög sem renna þó saman í eitt heildstætt verk. Gísli Marteinn segist ekki geta gefið mikið uppi um eðli atriðisins en lofar stórbrotnu sjónarspili. „Auður hefur lofað að leggja sig allan í atriðið og okkar besta fólk hefur staðið í undirbúningsvinnu alla vikuna. Þetta verður sögulegur flutningur!“ 

Tónlistarmaðurinn sjálfur lofar innblásnum samruna. „ljós er blanda ólíkra heima; söngdívur og göturapparar, birta og myrkur, fegurð og átök,“ segir Auður. „Í kvöld mætast síðan tveir ólíkir heimar; ungir indíkvikmyndagerðarmenn sem ég hef unnið með eins og krassasig og Andri Haraldsson, og svo reynsluboltarnir á RÚV. Perfomansinn í kvöld verður bræðingur ólíkra afla. Ég lofa neglu.“

Mynd: RUV / RUV
Auður mætti í Vikuna fyrir jól og tók slagarann Enginn eins og þú

Tengdar fréttir

Tónlist

Kynlíf í fjórum köflum og fýrað upp að lokum

Tónlist

Auður og Mezzoforte – Hún veit hvað ég vil

Popptónlist

Auður flytur lag ársins í Vikunni með Gísla Marteini

Tónlist

Spólað í torfærum sálarinnar