Mynd: EPA - RÚV
Athugið þessi frétt er meira en 2 ára gömul.
Landamæri Ítalíu opnuð í byrjun júní
Ítölsk stjórnvöld hafa ákveðið að heimilt verði að ferðast til og frá landinu frá 3. júní. Þá verður einnig heimilt að ferðast milli svæða innan Ítalíu. Breska ríkisútvarpið segir þetta vera risaskref í að opna hagkerfi Ítalíu eftir sóttvarnaraðgerðir sem hafa staðið yfir í meira en tvo mánuði.
Yfir 31 þúsund manns hafa látist af völdum COVID-19 á Ítalíu. Hvergi í heiminum, nema í Bandaríkjunum og Bretlandi hafa fleiri látist. Smitum hefur þó fækkað verulega upp á síðkastið.
Ítalía var fyrsta ríkið í Evrópu til að grípa til samkomutakmarkana þegar veirufaraldurinn skall á í norðurhluta landsins í febrúar. Byrjað var að slaka á aðgeðrum 4. maí, þegar heimilt ar að opna verksmiðjur og almenningsgarða.
