Ítalía fær 12 stig – Will Ferrell tilkynnti val Íslands

Mynd: Skjáskot / RÚV

Ítalía fær 12 stig – Will Ferrell tilkynnti val Íslands

14.05.2020 - 22:04

Höfundar

Hollywood-stjarnan Will Ferrell sá um að tilkynna hvaða lag sigraði kosninguna í Eurovision-gleði RÚV.

Will Ferrell byrjaði á því að þakka Íslendingum fyrir gestrisnina og hrósaði hann sérstaklega fegurðinni á Húsavík áður en hann tilkynnti að íslenska þjóðin hefði kosið ítalska framlagið oftast og Ítalía hlaut því 12 stig frá Íslendingum.

Það er söngvarinn Diadato sem syngur framlag Ítalíu í ár en lagið heitir Fai rumore. Ítölum hefur verið spáð góðu gengi í keppninni í ár og líkt Daða & Gagnamagninu. 

Í þættinum í kvöld gátu áhorfendur kosið á milli 15 laga sem áður höfuð verið valin með áhorfendakosningu og dómnefnd úr Alla leið þáttunum. Boðið var upp á fjölbreytt skemmtiatriði í þætti kvöldsins og mátti meðal annars sjá Bjarna Arason flytja lagið Karen með upprunarlegu bakröddunum, Klemens Hannigan, meðlimur Hatara, var með ábreiðu af laginu Arcade, sigurlagi Eurovision í fyrra. Þá var rifjað upp öll þau skipti sem Ísland hefur hlotið 12 stig í lokakeppninni auk þess sem gamlir og góðir stigakynnar birtust aftur á skjánum Það voru svo þau Jón Jónsson og Ragnhildur Steinunn Jónsdóttir sem höfðu umsjón með þættinum.

Tengdar fréttir

Tónlist

Forsetahjónin dönsuðu með Daða í kvöld

Tónlist

Daði & Gagnamagnið með fullt hús stiga frá Svíum

Tónlist

Horfðu á upphafsatriði Daða Freys í Okkar 12 stigum

Í umræðunni

Fjölbreytt Eurovision-gleði á RÚV