Tjaldbúðasjúkrahús tekið niður á næstunni

02.05.2020 - 17:50
epa08337715 Healthcare workers walk through tents at the Samaritan's Purse field hospital which has been set up in Central Park across the street from the Mount Sinai Hospital in New York, New York, USA, 01 April 2020. Today is the first day that the 68-bed volunteer facility, which is run by Rev. Franklin Graham's charity organization, is starting to take patients to help alleviate the strain on the Mount Sinai Hospital. New York City is still the epicenter of the coronavirus outbreak in the United States and there are continuing concerns that the health care system will be unable to volume of COVID-19 patients.  EPA-EFE/JUSTIN LANE
 Mynd: EPA
Sjúkrahús sem reist var í tjaldbúðum í Central Park í New York fyrir sjúklinga smitaða af COVID-19 verður lokað síðar í mánuðinum. Kristileg hjálparsamtök sem reka bráðabirgðasjúkrahúsið tilkynntu um ákvörðunina í dag.

Hætt verður að taka við nýjum sjúklingum á mánudag.

Rúmlega tíu tjöld voru sett upp á grasflöt gegnt Mount Sinai sjúkrahúsinu í lok mars til þess að spítalinn gæti tekist á við aukinn fjölda sjúklinga.  

Á sjúkrahúsinu í Central Park hefur 191 COVID-smitaður sjúklingur fengið læknishjálp og er gert ráð fyrir að síðasti sjúklingurinn verði útskrifaður þaðan eftir um það bil tvær vikur. Þá verða tjöldin sótthreinsuð og tekin niður. 

epa08337714 Healthcare workers walk through tents at the Samaritan's Purse field hospital which has been set up in Central Park across the street from the Mount Sinai Hospital in New York, New York, USA, 01 April 2020. Today is the first day that the 68-bed volunteer facility, which is run by Rev. Franklin Graham's charity organization, is starting to take patients to help alleviate the strain on the Mount Sinai Hospital. New York City is still the epicenter of the coronavirus outbreak in the United States and there are continuing concerns that the health care system will be unable to volume of COVID-19 patients.  EPA-EFE/JUSTIN LANE
 Mynd: EPA

Smituðum heldur áfram að fækka í New York. Sjúkrahússkipi bandaríska hersins var siglt úr höfn í New York á fimmtudag.

Fjöldi sjúkrarýma í borginni tvöfaldaðist með tilkomu skipsins, bráðabirgðasjúkrahússins í Central Park og fleiri bráðabirgðasjúkradeilda, þannig að 110 þúsund rými voru til reiðu. 

Andrew Cuomo, ríkisstjóri New York ríkis.
 Mynd: Peter Foley - EPA
Andrew Cuomo, ríkisstjóri New York.

 

FJöldi innlagna á sjúkrahús hefur hins vegar verið mun lægri en verstu spár gerðu ráð fyrir. Andrew Cuomo, ríkisstjóri New York, segir það skýrast af því að fólk hafi fylgt sóttvarnarreglum og haldið sig heima. 

Cuomo segir að 299 hefðu látið lífið af völdum COVID-19 síðasta sólarhring. Innlögnum fari fækkandi og sömuleiðis þeim sem þurfi á öndunarvél að halda. Hann gerir ráð fyrir því að á þeim stöðum ríkisins sem verst hafi orðið úti þurfi íbúar að halda sig innandyra fram yfir 15. maí.

Nærri 19 þúsund manns hafa látið lífið úr COVID-19 í New York ríki. 

 

Ásrún Brynja Ingvarsdóttir
Fréttastofa RÚV
Síðast:
Þessi þáttur er í hlaðvarpi