Athugið þessi frétt er meira en 10 mánaða gömul.

Söngelskir Skagfirðingar gera tónlistarmyndband

29.04.2020 - 16:32
Mynd með færslu
 Mynd: Aðsend mynd
Skagfirðingar tóku höndum saman og gerðu tónlistarmyndband. Tónlistarmaður óskaði eftir þátttakendum á Facebook og viðbröðin létu ekki á sér standa.

Sigfús Arnar Benediktsson tónlistarmaður segir hugmyndina hafa komið upp eftir Góða ferð-myndbandið. Hann hafi búið til hóp á Facebook og boðið öllum sem honum datt í hug að gætu viljað taka þátt. Hann segir viðbrögðin hafa komið mjög á óvart, hann hafi séð fyrir sér að fá kannski fimm sendingar. Hann fékk hins vegar 24 myndbönd send, frá fólki sem ýmist spilaði eða söng. 

Hann segir aldrei að vita nema það verði skellt í annað lag enda sé Skagafjörður fullur af hæfileikaríkum tónlistarmönnum. Þetta hafi þó verið töluvert meiri vinna en hann átti von á. „Ég ætlaði að vera ægilega fljótur að þessu en svo var ekki.“ 

Myndbandið má sjá hér að neðan. Lagið er Látum sönginn hljóma eftir Geirmund Valtýsson, texti eftir Hjálmar Jónsson.