Aríum dagsins streymt úr Hörpu

Mynd: RÚV / RÚV

Aríum dagsins streymt úr Hörpu

28.04.2020 - 10:30

Höfundar

Íslenskir einsöngvarar og Bjarni Frímann Bjarnason tónlistarstjóri Íslensku óperunnar flytja ástsælar óperuaríur og sönglög úr ýmsum áttum.

Í ríkjandi samkomubanni hefur flestum listviðburðum og tónleikum verið aflýst eða frestað um hríð. Til að létta lund og lyfta geði landsmanna í inniverunni hafa Harpa, Sinfóníuhljómsveit Íslands og Íslenska óperan tekið höndum saman í samstarfi við RÚV og senda lifandi tónlistarflutning heim í stofu.

Útsending hefst klukkan 11.

Dagskrá vikunnar:

Miðvikudagurinn 29. apríl
Nautið hann Ferdinand
Sigrún Eðvaldsdóttir, konsertmeistari SÍ og Bergþór Pálsson, barítonsöngvari flytja bráðskemmtilegt verk eftir Alan Ridout fyrir fiðlu og sögumann

Fimmtudagur 30. apríl
Voces Thules flytur miðaldamúsík að sínum hætti
Eggert Pálsson, Einar Jóhannesson, Eiríkur Hreinn Helgason, Eyjólfur Eyjólfsson, Sigurður Halldórsson syngja, blása í lúðra og berja á trumbur.

Föstudagurinn 1. maí
DÓH-tríóið leikur seiðmagnaðann djass.